Lydproduksjon

Lydproduksjon kan brukast på mange måtar i skulen. Alt frå å lage ein podcast til for eksempel lesetrening. Ved hjelp av lydprogrammet Audiacity kan me "leike" oss med lyd. Du kan gjera eit lydopptak på forhand som du etterpå importerer i programmet Audiacity eller du kan ta eit direkte lydopptak i programmet. Eg jobbar på småskulen og har jobba litt med lyd ved at elevane har laga teikningar i paint som dei har satt inn i ein power point presentasjon. Elevane gjer deretter lydopptak kor dei bruker headsett med mikrofon og snakkar til bilda dei har teikna. På denne måten har elevane laga ein "teikneserie" med eigenprodusert lyd til. Dette er ei kjempe populær oppgåve til elevar på småtrinnet. Denne oppgåva kan vidareførast til elevar på mellomtrinnet der dei kan i tillegg importere lydopptaka til Audacity for redigering.

Elles har eg brukt programmet Audiacity til lesetrening. Elevane får då ein tekst dei skal lese direkte inn programmet ved hjelp av headsett med mikrofon. Dei lese inn teksten avsnitt for avsnitt. Dei stoppar opp når lesinga skjære seg , enten dei har lest feil, for fort, uklart osv. Då vente dei nokre sekundar før dei lese avsnittet på nytt. Det er mykje betre å jobbe med ei stor fil enn fleire små. Har erfart at å jobbe med lydopptak på denne måten gir god lesetrening der elevane må øve på stemmebruk, ikkje lese for fort, ta pause etter teiknsetjing osv. I tillegg kan dei leika seg med lydopptaka ved å legge til effektar. Kan for eksempel legge til musikk i bakgrunnen, lage Donald stemme på opptaka osv. Dette er ei oppgåve elevane har likt godt samtidig så det gir lesetrening, så lærer dei seg programmet Audicaty og korleis dei kan nytte lydopptak i ulike samanhengar.